news
تربیلا اور منگلا ڈیم ڈیڈ لیول پر، پانی کی شدید قلت
ملک کے دو بڑے ڈیم، تربیلا اور منگلا، ڈیڈ لیول پر پہنچ گئے ہیں، جس کی وجہ سے پانی کی شدید کمی کے باعث ان ڈیموں میں پانی کی آمد کے مطابق اخراج کرنے کا فیصلہ کیا گیا ہے۔ تفصیلات کے مطابق پاکستان میں پانی کی قلت کی صورتحال انتہائی تشویش ناک ہو چکی ہے۔ انڈس ریور سسٹم اتھارٹی نے تربیلا اور منگلا ڈیم میں پانی کی سطح کے ڈیڈ لیول کے قریب پہنچنے پر صوبوں کو خبردار کرتے ہوئے پانی کی تقسیم کا نیا ضابطہ جاری کیا ہے۔
جاری مراسلے میں بتایا گیا ہے کہ ربیع سیزن کے باقی عرصے کے لیے پانی کی 30 سے 35 فیصد کمی کا اندازہ لگایا گیا ہے، اور ڈیموں میں جتنا پانی آئے گا، اتنا ہی آگے ریلیز کیا جائے گا۔ ارسا نے یہ بھی خبردار کیا ہے کہ بارش نہ ہونے تک صورتحال میں بہتری کی کوئی امید نہیں ہے، اور اگر بارش نہیں ہوئی تو منگلا اور تربیلا 3 سے 4 دن میں ڈیڈ لیول پر جا سکتے ہیں۔
دوسری جانب، واپڈا نے دریاؤں اور آبی ذخائر میں پانی کی آمد و اخراج کے اعداد و شمار جاری کیے ہیں، جن کے مطابق دریائے سندھ میں تربیلا کے مقام پر پانی کی آمد 17 ہزار 500 کیوسک اور اخراج 20 ہزار کیوسک ہے، جبکہ دریائے کابل میں نوشہرہ کے مقام پر پانی کی آمد 12 ہزار 700 کیوسک اور اخراج بھی 12 ہزار 700 کیوسک ہے۔ خیرآباد پل میں پانی کی آمد 27 ہزار 100 کیوسک اور اخراج بھی اتنا ہی ہے، جبکہ دریائے جہلم میں منگلا کے مقام پر پانی کی آمد 16 ہزار 400 کیوسک ہے۔
ہندوتوا کی علمبردار مودی سرکار مقبوضہ کشمیر میں مذہبی آزادی، رواداری اور ہم آہنگی کے خلاف روزانہ کی بنیاد پر جبر کی نئی کہانیاں رقم کر رہی ہے۔
مسلمانوں کے لیے مقدس ترین مہینے رمضان کے دوران گلمرگ کے علاقے میں ایک میگزین کی جانب سے فیشن شو کا انعقاد کیا گیا۔
مودی سرکار نے یہ جانتے بوجھتے کہ مقبوضہ کشمیر کے غیور مسلمانوں کے دلوں کو اس سے کتنی تکلیف پہنچے گی، فیشن شو میں مادر پدر آزادی کا مظاہرہ کرنے کی کھلی چھٹی دی گئی۔
فیشن شو کے دوران ماڈلز کو برف پر کیٹ واک کرنے پر مجبور کیا گیا۔ فیشن شو کے مناظر سوشل میڈیا پر وائرل ہونے کے بعد مقبوضہ وادی میں شدید غم و غصے کا اظہار کیا جا رہا ہے۔ جس پر مقبوضہ کشمیر کی اسمبلی میں مسلم ارکان نے شدید احتجاج کیا اور اس فیشن شو کی اجازت دینے والوں کے خلاف کارروائی کا مطالبہ کیا۔
میر واعظ عمر فاروق نے کہا کہ صوفیوں کی سرزمین پر ایسا عمل برداشت نہیں کیا جائے گا۔ کٹھ پتلی وزیر اعلیٰ عمر عبد اللہ نے اس واقعے کو ایک پرائیوٹ تقریب قرار دیا۔ محبوبہ مفتی کی بیٹی التجا مفتی نے کٹھ پتلی حکومت کو اس واقعے کا ذمہ دار ٹھہرایا۔
بھارتی فلم انڈسٹری کے پروڈیوسر اور مرحوم اداکارہ سری دیوی کے شوہر بونی کپور نے سری دیوی کی فلم ’مام‘ کے سیکوئل کی تصدیق کی ہے۔
سری دیوی کی بیٹیاں جھانوی اور خوشی کپور اب بھارتی فلم انڈسٹری میں اپنی ماں کے نقش قدم پر چلتے ہوئے اداکاری کر رہی ہیں۔ اب سری دیوی کی آخری فلم مام، جو 2017 میں ریلیز ہوئی تھی، کے سیکوئل کے بارے میں باتیں ہو رہی ہیں۔
یہ امکان ہے کہ سری دیوی کی چھوٹی بیٹی خوشی اس میں اداکاری کریں گی، اور پروڈیوسر بونی کپور نے خود اس سیکوئل کی تصدیق کی ہے۔
اتوار کو آئیفا 2025 کی سلور جوبلی تقریب میں شرکت کے دوران بونی کپور نے میڈیا سے گفتگو کرتے ہوئے بتایا کہ وہ اپنی بیٹی خوشی کپور کے ساتھ سری دیوی کی آخری فلم مام کے سیکوئل کی منصوبہ بندی کر رہے ہیں۔
گرین کارپٹ پر بات چیت کے دوران انہوں نے کہا، ’میں نے خوشی کی تمام فلمیں دیکھی ہیں- آرچیز، لویاپا اور نادانیاں، اور نو انٹری کے بعد اس کے ساتھ بھی ایک فلم کا منصوبہ بنا رہا ہوں۔ یہ خوشی کے ساتھ ایک فلم ہوگی، جو مام 2 ہو سکتی ہے۔‘
بونی کپور نے نادانیاں میں خوشی کی اداکاری پر تنقید کرنے والوں کو جواب دیتے ہوئے کہا کہ ’وہ اپنی والدہ کے نقش قدم پر چلنے کی کوشش کر رہی ہے اور امید ہے کہ وہ اپنی والدہ کی طرح ہر زبان میں کام میں سرفہرست رہے گی۔‘
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
