news
آسٹریلوی اسٹارٹ اپ کا پہلا بائیولوجیکل کمپیوٹر متعارف
آسٹریلیا کے ایک اسٹارٹ اپ نے انسانی دماغ کے خلیات پر مبنی دنیا کے پہلے کمرشل بائیولوجیکل کمپیوٹر کا تعارف کرایا ہے۔
میلبرن کی کورٹیکل لیبز نے 3-6 مارچ تک بارسلونا میں ہونے والی موبائل ورلڈ کانگریس میں اپنا سی ایل 1 متعارف کرایا، جسے ’بکس میں ایک جسم‘ کی طرح بیان کیا گیا ہے، جو مصنوعی ذہانت اور روبوٹکس میں انقلابی تبدیلیاں لانے کی صلاحیت رکھتا ہے۔
اس کمپیوٹر میں لیب میں تیار کردہ نیورونز استعمال کیے گئے ہیں، جو ایک سیلیکون چپ پر نشوونما پاتے ہیں، جس کی بدولت یہ برقی سگنل بھیجنے اور وصول کرنے کے قابل ہیں۔
اس سیٹ اپ کو بعد میں لیب کے بائیولوجیکل انٹیلی جنس آپریٹنگ سسٹم (بی آئی او ایس) سے منسلک کیا گیا، جس کے ذریعے صارفین کوڈز داخل کر سکتے ہیں اور کمپیوٹنگ کے مختلف امور انجام دے سکتے ہیں۔
پمپ، گیس اور درجہ حرارت کو کنٹرول کرنے والا اندرونی لائف سپورٹ سسٹم نیورونز کو چھ ماہ تک زندہ رکھنے کی صلاحیت رکھتا ہے۔