وزیراعظم شہباز شریف: معیشت میں بہتری، افراط زر میں نمایاں کمی

وزیراعظم شہباز شریف نے کہا ہے کہ معیشت کی بہتری، کاروبار اور سرمایہ کاری کے فروغ کے لیے تمام ادارے مل کر کام کر رہے ہیں، اور انہیں امید ہے کہ افراط زر میں مزید کمی آئے گی۔ اپنے ایک بیان میں کنزیومر پرائس انڈیکس کے حوالے سے افراط زر میں مسلسل کمی پر اطمینان کا اظہار کرتے ہوئے انہوں نے کہا کہ موجودہ حکومت اپنا ایک سال مکمل کر رہی ہے، اور اس موقع پر یہ ایک خوشخبری ہے۔ یہ بات خوش آئند ہے کہ افراط زر فروری 2025ء میں 1.5 فیصد پر آ گیا، جو ستمبر 2015ء کے بعد سب سے کم شرح ہے، جبکہ جولائی 2024ء سے فروری 2025ء تک افراط زر کی اوسط 5.9 فیصد رہی، جب کہ پچھلے مالی سال میں اسی عرصے میں یہ اوسط 28 فیصد تھی، جو کہ ایک نمایاں کمی ہے۔

وزیراعظم شہباز شریف نے کہا کہ حکومت کی معاشی ٹیم کی شاندار کوششوں کی بدولت معاشی اعشاریے ہر گزرتے دن کے ساتھ بہتر ہو رہے ہیں۔ معیشت میں مسلسل بہتری مستعد ٹیم ورک کا نتیجہ ہے، اور معیشت کی بہتری، کاروبار اور سرمایہ کاری کے فروغ کے لیے تمام ادارے مل کر کام کر رہے ہیں۔ میکرو اکنامک معاشی بہتری کا فائدہ عوام تک پہنچنا شروع ہو گیا ہے، اور عوام کو ارزاں نرخوں پر اشیائے ضروریہ کی فراہمی حکومت کی اولین ترجیح ہے۔

بتایا گیا ہے کہ وزیراعظم سے برطانوی ہائی کمشنر جین میریٹ نے ملاقات کی، اس دوران شہباز شریف نے شاہ چارلس سوئم کے لیے نیک خواہشات کا اظہار کیا۔