نیلم منیر پر سرجری کا الزام، سوشل میڈیا پر چہرے کی تبدیلی پر بحث

سوشل میڈیا صارفین نے اداکارہ نیلم منیر پر سرجری کروانے کا الزام لگایا ہے۔

اپنے نئے ڈرامہ سیریل مہشر کی وجہ سے ان دنوں خبروں میں رہنے والی اداکارہ نیلم منیر کے نئے انداز نے ناظرین کی توجہ اپنی جانب کھینچ لی ہے۔

اس ڈرامے کی کئی اقساط میں ناظرین اور سوشل میڈیا صارفین نے نیلم منیر کے چہرے پر غیر معمولی سوجن دیکھی ہے، جو اکثر کسی قسم کی سرجری کے بعد ظاہر ہوتی ہے۔

اس ڈرامے میں اداکارہ کا چہرہ نمایاں طور پر مختلف نظر آ رہا ہے، اور وزن نہ بڑھنے کے باوجود ان کے چہرے کی سوجن نے اس افواہ کو جنم دیا ہے کہ انہوں نے حال ہی میں سرجری کروائی ہے۔

سوشل میڈیا پر گردش کرنے والی اداکارہ کی تصاویر پر صارفین کا کہنا ہے کہ نیلم نے بوٹاکس فلرز یا کوئی اور کاسمیٹک طریقہ کار اپنایا ہے، جس کی وجہ سے ان کے چہرے میں یہ بڑی تبدیلی آئی ہے۔ نیلم منیر کے بہت سے مداح اس تبدیلی سے حیران اور ناخوش ہیں، کیونکہ ان کے مطابق نیلم کی عمر صرف 32 سال ہے اور انہیں کسی قسم کی سرجری کی ضرورت نہیں تھی۔ تاہم سوشل میڈیا پر لوگ مختلف تبصرے کر رہے ہیں اور سوال کر رہے ہیں کہ اس تبدیلی کی وجہ کیا ہو سکتی ہے۔

واضح رہے کہ نیلم منیر نے ابھی تک ان افواہوں پر کوئی ردعمل نہیں دیا ہے، لیکن مہشر میں ان کا نیا روپ مداحوں میں بحث کا موضوع بن چکا ہے۔