news
پاک بحریہ کے جہاز یرموک کی IDEX اور NAVDEX 25 میں شرکت
راولپنڈی:
پاک بحریہ کا جہاز یرموک بین الاقوامی دفاعی نمائش (IDEX) اور بحری دفاعی نمائش (NAVDEX 25) میں شرکت کے لیے متحدہ عرب امارات پہنچا۔
اس بحری نمائش میں 65 ممالک نے شرکت کی، جبکہ 8 ممالک کے بحری جہاز بھی موجود تھے۔ بندرگاہ پر پاکستانی سفارتخانے کے حکام اور نمائش کے سربراہ نے جہاز کا گرمجوشی سے استقبال کیا۔
پاک بحریہ کے ڈپٹی چیف آف دی نیول اسٹاف (آپریشنز) نے نمائش میں شریک شخصیات کے ساتھ باہمی دلچسپی کے امور پر گفتگو کی۔
متحدہ عرب امارات کے وزیر برائے رواداری، رومانیہ اور یمن کے وزرائے دفاع سمیت کئی اہم شخصیات نے پی این ایس یرموک کا دورہ کیا۔
دفاعی نمائش میں شرکت پاکستان بحریہ کے عالمی میری ٹائم سیکیورٹی اقدامات میں فعال کردار اور متحدہ عرب امارات کے ساتھ مضبوط دفاعی تعلقات کی عکاسی کرتی ہے۔
پی این ایس یرموک نے متحدہ عرب امارات کی بحریہ کے جہاز الامارات کے ساتھ مشترکہ مشقیں بھی کیں۔