news
انٹر بینک میں ڈالر 2 پیسے سستا، اسٹاک ایکسچینج میں 287 پوائنٹس کی کمی
انٹر بینک میں آج کاروبار کے دوران امریکی ڈالر 2 پیسے سستا ہوا ہے۔ انٹر بینک میں ڈالر کی قیمت 2 پیسے کی کمی کے بعد 279 روپے 70 پیسے ہو گئی ہے۔ گزشتہ روز کاروبار کے اختتام پر انٹر بینک میں ڈالر 279 روپے 72 پیسے کا تھا۔ اسٹاک ایکسچینج: انڈیکس میں 287 پوائنٹس کی کمی ادھر پاکستان اسٹاک ایکسچینج (پی ایس ایکس) میں آج صبح کاروبار کا مثبت رجحان تھا، جو بعد میں منفی میں تبدیل ہو گیا۔ ملکی زرمبادلہ ذخائر 2 کروڑ 22 لاکھ ڈالر کم ہوگئے، اسٹیٹ بینک کے مطابق۔ بازارِ حصص کے 100 انڈیکس میں 287 پوائنٹس کی کمی ہوئی ہے۔ اس کمی کے بعد انڈیکس 1 لاکھ 13 ہزار 497 پوائنٹس پر آ گیا۔ آج اب تک کے کاروبار کے دوران انڈیکس 1 لاکھ 14 ہزار 265 پوائنٹس کی بلندی پر بھی پہنچا۔ گزشتہ روز کاروبار کے اختتام پر انڈیکس 1 لاکھ 13 ہزار 784 پوائنٹس پر بند ہوا تھا