news
زکوٰة کا نصاب 2025 جاری، بینک اکاؤنٹس سے کٹوتی کا اعلان
ملک میں یکم رمضان کو اگر بینک اکاوٴنٹ میں ایک لاکھ 79 ہزار 689 روپے یا اس سے زیادہ رقم موجود ہو تو زکوٰة کی کٹوتی کی جائے گی۔ رپورٹ کے مطابق وفاقی وزارت تخفیف غربت و سماجی تحفظ نے سال 2025 کے لیے زکوٰة کا نصاب جاری کر دیا ہے۔ وزارت تخفیف غربت و سماجی تحفظ نے بینکوں کو ایک مراسلہ بھیجا ہے جس میں بتایا گیا ہے کہ بچت اکاوٴنٹ، نفع و نقصان اور اسی طرح کے اکاوٴنٹس پر زکوٰة لاگو ہوگی، جبکہ کرنٹ اکاوٴنٹس سے زکوٰة نہیں کاٹی جائے گی۔ بینکوں کو بھیجے گئے مراسلے میں کہا گیا ہے کہ زکوٰة کی کٹوتی یکم یا 2 مارچ کو رمضان کی پہلی تاریخ کے مطابق کی جائے گی۔ مراسلے میں یہ بھی کہا گیا ہے کہ زکوٰة و عشر آرڈیننس 1980 کے تحت یکم رمضان المبارک کو ایک لاکھ 79 ہزار 689 روپے سے کم بیلنس والے اکاوٴنٹس زکوٰة کی کٹوتی سے مستثنٰی ہوں گے اور ان سے زکوٰة نہیں لی جائے گی