news
سعودی سپریم کورٹ کی عوام سے رمضان کا چاند دیکھنے کی اپیل
سعودی عرب کی سپریم کورٹ نے عوام سے درخواست کی ہے کہ وہ 28 فروری کی شام کو مغرب کے وقت رمضان کا چاند دیکھنے کی کوشش کریں۔
عرب میڈیا کے مطابق، سعودی سپریم کورٹ نے ہدایت کی ہے کہ اگر 28 فروری کی شام چاند نظر آئے تو قریبی عدالت میں گواہی جمع کرائیں۔ سپریم کورٹ کے جاری کردہ بیان میں مزید کہا گیا ہے کہ چاند کو کھلی آنکھ سے دیکھنا ضروری ہے اور اسلامی اصولوں کے مطابق گواہی دینا ہوگی۔ بیان میں یہ بھی ہدایت کی گئی ہے کہ چاند دیکھنے کی گواہی قریبی عدالت کے ساتھ ساتھ رویت کمیٹی کو بھی جمع کرائی جا سکتی ہے۔ یہ خبر پڑھیں: 33 سال بعد رمضان میں قدرتی طور پر ایسا کیا ہونے جا رہا ہے؟ جانیں چاند نظر آنے کا حتمی اعلان گواہیوں کی جانچ کے بعد عدالت کی جانب سے کیا جائے گا۔ ماہرین فلکیات نے یہ امکان ظاہر کیا ہے کہ سعودی عرب میں 28 فروری کو رمضان کا چاند نظر آ سکتا ہے اور یکم رمضان مارچ کی پہلی تاریخ ہوگی۔ یہ بات قابل ذکر ہے کہ اگر ایسا ہوتا ہے تو یہ 30 سال بعد کا موقع ہوگا جب اسلامی اور عیسائی مہینوں کا آغاز ایک ہی تاریخ پر ہوگا