ایف ٹی او کی بجلی کی تقسیم کار کمپنیوں کو سیلز ٹیکس وصولی کی ہدایت

اسلام آباد:
وفاقی ٹیکس محتسب (ایف ٹی او) نے بجلی کی تمام تقسیم کار کمپنیوں کو ہدایت کی ہے کہ وہ سیلز ٹیکس وصولی کے معاملے میں نیٹ میٹرنگ سے متاثر نہ ہوں۔

ایف ٹی او نے سولر نیٹ میٹرنگ کے بجلی صارفین سے 18 فیصد سیلز ٹیکس وصول کرنے کا فیصلہ کیا ہے۔

ایف ٹی او کے مطابق، تمام بجلی کی تقسیم کار کمپنیاں بجلی کی سپلائی پر 18 فیصد سیلز ٹیکس وصول کریں گی، اور کے الیکٹرک بھی صارفین سے یہی ٹیکس وصول کرے گی۔ بجلی تقسیم کار کمپنیوں کو نیٹ میٹرنگ کے اثرات سے متاثر نہیں ہونا چاہیے۔

تمام سرکاری ڈسکوز صارفین سے قوانین کے مطابق ٹیکس وصول نہیں کر رہے، جس کی وجہ سے خزانے کو سالانہ 9 ارب 38 کروڑ روپے کا نقصان ہو رہا ہے۔ سرکاری ڈسکوز مکمل سیلز ٹیکس کی وصولی نہیں کر پا رہی ہیں۔

ایف ٹی او نے ایف بی آر کو قومی خزانے کو نقصان پہنچانے کے معاملے پر تحقیقات کی سفارش کی ہے، جس پر ایف بی آر 60 روز میں تحقیقات کرکے رپورٹ پیش کرے گا۔ کے الیکٹرک صارفین سے 18 فیصد سیلز ٹیکس کی درست وصولی کر رہی ہے۔

سیلز ٹیکس کی دفعات کے تحت نیٹ میٹرنگ کا کوئی تصور نہیں ہے، اور سیلز ٹیکس نیٹ آف ویلیو کے بجائے سپلائی پر وصول کرنا ضروری ہے۔ سیلز ٹیکس کو نیٹ میٹرنگ کے کسی بھی اثر کے بغیر مجموعی رقم پر کاٹنا چاہیے۔

تمام ڈسکوز کو نیٹ میٹرنگ کے اثرات سے متاثر نہیں ہونا چاہیے۔