film
شاہ رُخ خان کا مشہور بنگلہ ’منت‘ چھوڑ کر کرائے کے گھر میں منتقلی
بالی ووڈ کے کنگ شاہ رُخ خان جلد اپنے خاندان کے ساتھ اپنے مشہور بنگلے ‘منت’ کو چھوڑ کر کرائے کے گھر میں منتقل ہونے والے ہیں۔
بھارتی میڈیا کی رپورٹ کے مطابق، گھر میں جاری تزین و آرائش کی وجہ سے شاہ رُخ خان اور ان کے بیوی بچوں کو منت چھوڑ کر ایک اپارٹمنٹ میں منتقل ہونا پڑ رہا ہے۔
کنگ خان کے محل جیسے گھر میں کئی بڑی تبدیلیاں کی جائیں گی۔ رپورٹس کے مطابق، ایس آر کے اور ان کا خاندان عارضی طور پر ممبئی کے باندرہ کے پالی ہل علاقے میں منتقل ہو جائے گا۔
یہ بات قابل ذکر ہے کہ منت، ممبئی کے باندرہ کا ایک آئیکونک محل نما بنگلہ ہے جو روزانہ سینکڑوں لوگوں کو اپنی طرف متوجہ کرتا ہے۔ یہ وہ جگہ ہے جہاں بھارت کے مختلف حصوں سے مداح آتے ہیں اور شاہ رُخ خان کی ایک جھلک دیکھنے کی امید میں اس کے بڑے دروازوں کے باہر انتظار کرتے ہیں۔