news
پاکستانی طالبہ کا اسٹیمکو سائنس مقابلے میں گولڈ میڈل
پاکستانی طالبہ انارہ بہرام درانی نے اسٹیمکو سائنس مقابلوں میں شاندار کارکردگی کا مظاہرہ کرتے ہوئے گولڈ میڈل اپنے نام کر لیا ہے۔
انارہ نے سنگاپور میں منعقدہ اسٹیمکو سائنس گلوبل مقابلوں میں گولڈ میڈل جیت کر پاکستان کو عالمی سطح پر نمایاں کیا ہے۔
پاکستان بھر سے صرف 15 طلباء فائنلز تک پہنچے، جہاں انہوں نے 13 ممالک کے 177 شرکا کے خلاف مقابلہ کیا۔ اس سے پہلے پاکستان بھر سے 26000 طلباء نے اس مقابلے میں حصہ لیا، جن میں سے صرف پندرہ طلباء بین الاقوامی مقابلے کے لئے منتخب ہوئے۔
پہلے مرحلے میں انارہ بہرام درانی نے پاکستان بھر سے گولڈ میڈل جیتا۔ سنگاپور میں ہونے والے اسٹیمکو سائنس گلوبل مقابلوں میں بھی انارہ نے گولڈ میڈل جیت کر پاکستان کا نام روشن کیا۔
یہ مقابلہ 12 سے 17 فروری 2025 تک نیشنل یونیورسٹی آف سنگاپور میں منعقد ہوا۔ اس ایونٹ میں دنیا بھر کے نوجوان سائنسدانوں نے اپنی مہارت کا مظاہرہ کیا۔
ان طلباء نے پاکستان میں انٹرنیشنل کینگرو سائنس مقابلے میں بھی غیر معمولی کارکردگی دکھائی تھی۔ سائنس میں لڑکیوں کی بڑھتی ہوئی نمائندگی انتہائی اہم ہے اور انارہ اس راستے کی ایک روشن مثال ہیں۔
یہ ایونٹ نوجوان ذہنوں کو سائنس اور جدت طرازی کی طرف راغب کرنے کا ایک اہم پلیٹ فارم ہے۔