چیمپئنز ٹرافی 2025ء میں کیویز نے بنگلہ دیش کو شکست دے دی، اور پاکستان کا چیمپئنز ٹرافی کا سفر صرف 5 دن میں ختم ہوگیا۔
راولپنڈی میں کھیلے گئے ایونٹ کے چھٹے میچ میں بنگلہ دیش کی پہلی وکٹ 8.2 اوورز میں 45 کے مجموعی اسکور پر گری، جہاں اوپنر تنزید حسن 24 رنز بنا کر آؤٹ ہوئے۔ تیسرے نمبر پر بیٹنگ کرنے والے مہدی حسن میراز نے 13 رنز بنائے اور پویلین لوٹ گئے۔ مڈل آرڈر میں وکٹیں یکے بعد دیگرے گرنے کے بعد کپتان نجم الحسین شنتو نے 77 رنز کی اننگز کھیل کر رخصت لی۔ جاکر علی نے 45، رشاد حسین نے 26 اور تسکین احمد نے 10 رنز بنائے۔ مستفیض الرحمان 3 اور ناہید رانا صفر کے ساتھ ناٹ آؤٹ رہے۔

نیوزی لینڈ کی جانب سے مائیکل بریسویل نے 4 وکٹیں حاصل کیں، جبکہ ول او رورک نے 2، اور میٹ ہینری اور کائل جیمیسین نے ایک، ایک کھلاڑی کو آؤٹ کیا۔

نیوزی لینڈ نے 237 رنز کا ہدف 46.1 اوورز میں 5 وکٹوں کے نقصان پر حاصل کر لیا۔ کیویز کی طرف سے رچن رویندرا 112 رنز بنا کر نمایاں رہے۔ ٹام لیتھم نے 55، ڈیوون کانوے نے 30، کین ولیمسن نے 5 اور ول ینگ نے 0 رن بنا کر پویلین لوٹا۔ گلین فلپس 21 اور مائیکل بریسویل 11 رنز بنا کر ناٹ آؤٹ رہے۔ بنگلہ دیش کی جانب سے تسکین احمد، مستفیض الرحمان، ناہید رانا اور رشاد حسین نے 1، 1 وکٹ حاصل کی۔ ٹاس جیتنے والی ٹیم نیوزی لینڈ نے پلینگ الیون میں دو تبدیلیاں کیں۔