پاکستان اور قطر کا انسداد منشیات میں تعاون بڑھانے پر اتفاق

پاکستان اور قطر کے درمیان انسداد منشیات کے حوالے سے باہمی تعاون بڑھانے پر اتفاق ہوا ہے۔ تفصیلات کے مطابق وفاقی وزیرداخلہ محسن نقوی نے قطر کے سفیر علی مبارک علی عیسی الخطیر سے ملاقات کی، جس میں باہمی دلچسپی کے امور، دوطرفہ تعلقات اور مختلف شعبوں میں تعاون کو فروغ دینے پر گفتگو کی گئی۔ ملاقات کے دوران قطر میں قید پاکستانی شہریوں کی رہائی کے بارے میں بھی بات چیت ہوئی، اور انسداد منشیات کے سلسلے میں باہمی اشتراک بڑھانے پر اتفاق کیا گیا۔ اس موقع پر قطر کے سفیر نے وزیر داخلہ محسن نقوی کو قطر کے دورے کی دعوت دی اور کہا کہ پاکستان ایک برادر اسلامی ملک ہے، اور ہم تعلقات کو بہت اہمیت دیتے ہیں۔

وفاقی وزیر داخلہ محسن نقوی نے دعوت قبول کرتے ہوئے کہا کہ قطر کے ساتھ ہمارے تعلقات بہت قریبی ہیں، اور وہ جلد قطر کا دورہ کر کے اپنے ہم منصب سے ملاقات کریں گے۔ انہوں نے مزید بتایا کہ انسداد منشیات کے حوالے سے خلیجی ممالک کی کانفرنس اپریل میں اسلام آباد میں منعقد ہو رہی ہے، جس میں قطر کے انسداد منشیات ڈیپارٹمنٹ کے سربراہ کو شرکت کی دعوت دی گئی ہے۔ وہ دوست ممالک کے ساتھ انسداد منشیات کے سلسلے میں قریبی تعاون کے خواہاں ہیں۔

دوسری جانب ملک کے مختلف شہروں اور تعلیمی اداروں میں منشیات اسمگلنگ کے خلاف کارروائیاں جاری ہیں۔ اسی دوران لاہور انٹرنیشنل ایئرپورٹ پر کارروائی کے دوران دوحہ جانے والے ایک مسافر کے پیٹ میں…