news
پاک فوج کا جنوبی وزیرستان میں کامیاب آپریشن، 30 دہشتگرد ہلاک
پاک فوج کا ملک بھر میں دہشتگردوں اور ان کے سہولتکاروں کے خلاف انٹیلی جنس بیسڈ آپریشن کامیابی سے جاری ہے۔ سکیورٹی فورسز نے جنوبی وزیرستان میں ایک آپریشن کے دوران فائرنگ کے تبادلے میں 30 خوارج کو ہلاک کردیا ہے۔
پاک فوج کے شعبہ تعلقات عامہ آئی ایس پی آر کے مطابق سکیورٹی فورسز نے جنوبی وزیرستان کے ضلع سراروغہ میں انٹیلی جنس بیسڈ آپریشن کیا۔
یہ آپریشن دہشتگردوں کی موجودگی کی خفیہ اطلاع پر کیا گیا۔ سکیورٹی فورسز نے آپریشن کے دوران فائرنگ کے تبادلے میں 30 خوارج دہشتگردوں کو ہلاک کردیا۔ علاقے میں ممکنہ خوارج کے خاتمے کے لیے کلیئرنس آپریشن جاری ہے۔ سکیورٹی فورسز دہشتگردی کی لعنت کے خاتمے کے لیے پرعزم ہیں۔