news
ورلڈ بینک کے 9 رکنی وفد کا 20 سال بعد پاکستان کا دورہ
ورلڈ بینک کے 9 ایگزیکٹو ڈائریکٹرز پر مشتمل وفد پاکستان پہنچ چکا ہے۔
ذرائع کے مطابق، یہ وفد وزیر اعظم، وزیر خزانہ، اور وزیر اقتصادی امور سے ملاقات کرے گا۔ ورلڈ بینک کا وفد وزیر منصوبہ بندی اور توانائی کے ساتھ بھی ملاقاتیں کرے گا، جن میں 40 ارب ڈالرز کی فنڈنگ کے مؤثر عملدرآمد پر بات چیت کی جائے گی۔
ذرائع کا کہنا ہے کہ یہ ورلڈ بینک کے ایگزیکٹو ڈائریکٹرز کا 20 سال بعد پاکستان کا دورہ ہے، اور اس دوران کنٹری پارٹنرشپ فریم ورک کے مؤثر نفاذ کی حکمت عملی پر بھی تبادلہ خیال کیا جائے گا۔
ذرائع کے مطابق، وفد ترقیاتی اقدامات کا جائزہ لینے اور حکمت عملی بنانے کے لیے صوبوں کا دورہ بھی کرے گا، جس میں خیبرپختونخوا، سندھ، پنجاب، اور بلوچستان شامل ہیں۔