راکھی ساونت نے مفتی قوی کی شادی کی پیشکش مسترد کردی

بالی ووڈ کی اداکارہ راکھی ساونت نے مفتی قوی کی شادی کی پیشکش کو مسترد کر دیا ہے۔

ان دنوں مفتی قوی کے ساتھ شادی کی افواہوں کی وجہ سے سوشل میڈیا پر راکھی ساونت کی خوب چرچے ہو رہے ہیں، لیکن اب اداکارہ نے اس معاملے پر نیا پیغام دیا ہے جو سوشل میڈیا پر وائرل ہو گیا ہے۔

بھارتی میڈیا سے بات کرتے ہوئے راکھی نے کہا کہ میں مفتی قوی سے شادی کے لیے سنجیدہ نہیں ہوں۔ مجھے نہیں معلوم کہ ان کی 100 بیویاں ہیں یا 900، لیکن میں اکیلی ایک لاکھ عورتوں کے برابر ہوں، اور وہ مجھے سنبھال نہیں سکیں گے۔

اداکارہ نے مزید کہا کہ وہ ابھی تک سچے پیار کی تلاش میں ہیں، جو انہیں بھارت میں ابھی تک نہیں ملا۔ راکھی کا یہ بھی کہنا تھا کہ بہت سے لوگ میرے پیچھے ہیں مگر وہ صرف مجھے اور میری شہرت کو استعمال کرنا چاہتے ہیں۔

پاکستان آنے کے بارے میں پوچھے گئے سوال پر راکھی نے جواب دیا، “اگر مودی پاکستان کا دورہ کر سکتے ہیں تو میں کیوں نہیں کر سکتی؟ جب ایک جوڑا راضی ہو جائے تو قاضی کیا کر سکتا ہے؟”

راکھی نے اداکارہ ہانیہ عامر کی تعریف کرتے ہوئے انہیں ایک “اچھی اور مہذب لڑکی” قرار دیا۔

یاد رہے کہ اس سے قبل مفتی قوی نے ایک پروگرام میں دعویٰ کیا تھا کہ راکھی ساونت کے ساتھ ان کی شادی 14 فروری کو مقرر ہے، اور انہوں نے شو کے میزبان کو بطور گواہ شادی کی تقریب میں شرکت کی دعوت بھی دی تھی۔