سپریم کورٹ پاکستان میں نئے ججز کی تعیناتی اور سنیارٹی لسٹ اپڈیٹ

سپریم کورٹ میں نئے ججز کی شمولیت کے ساتھ سنیارٹی لسٹ کو اپڈیٹ کر دیا گیا ہے۔ سنیارٹی لسٹ کے مطابق چیف جسٹس یحییٰ آفریدی کے بعد جسٹس منصور علی شاہ سینئر ترین جج ہوں گے۔ جسٹس منیب اختر دوسرے، جسٹس امین الدین خان تیسرے، جسٹس جمال مندوخیل چوتھے اور جسٹس محمد علی مظہر پانچویں نمبر پر ہیں۔ اسی طرح، جسٹس عائشہ ملک کا سنیارٹی میں چھٹا نمبر ہے جبکہ جسٹس اطہر من اللہ ساتویں اور جسٹس حسن اظہر رضوی آٹھویں نمبر پر موجود ہیں۔

جسٹس شاہد وحید نویں، جسٹس مسرت ہلالی دسویں اور جسٹس عرفان سعادت کا گیارہواں نمبر ہے۔ جسٹس نعیم اختر افغان سنیارٹی لسٹ میں بارہویں، جسٹس شہزاد ملک تیرہویں اور جسٹس عقیل عباسی چودھویں نمبر پر ہیں۔

نئی اپ ڈیٹ لسٹ کے مطابق، جسٹس شاہد بلال حسن کا پندرہواں نمبر، جسٹس ہاشم کاکڑ سولہواں اور جسٹس شفیع صدیقی سترہواں نمبر پر ہیں۔ جبکہ جسٹس صلاح الدین پنور اٹھارہویں، جسٹس شکیل احمد انیسویں اور جسٹس عامر فاروق بیسویں نمبر پر ہیں۔ جسٹس اشتیاق ابراہیم کا اکیسواں نمبر ہے۔

اسی طرح، جسٹس میاں گل حسن اورنگزیب بائیسویں، جسٹس سردار طارق تئیسویں نمبر پر جبکہ جسٹس مظہر عالم میاں خیل سنیارٹی لسٹ میں چوبیسویں نمبر پر ہیں۔ یاد رہے کہ آج صبح سپریم کورٹ آف پاکستان میں تعینات ہونے والے 7 نئے ججز نے حلف اٹھایا تھا۔