news
افغانستان کو چینی کی برآمد میں 25 کروڑ ڈالر سے زائد کا اضافہ
سالانہ بنیادوں پر افغانستان کو چینی کی برآمدات میں 25 کروڑ 67 لاکھ 60 ہزار ڈالر کا اضافہ ہوا ہے۔
وزارت تجارت کے ذرائع کے مطابق، جولائی سے جنوری کے دوران افغانستان کو چینی کی برآمدات 26 کروڑ 26 لاکھ 80 ہزار ڈالر رہی۔ پچھلے سال اسی عرصے میں افغانستان کو چینی کی برآمد صرف 59 لاکھ 30 ہزار ڈالر تھی۔
ذرائع کے مطابق، افغانستان کو پاکستانی برآمدات میں سب سے زیادہ حصہ چینی کا ملتا ہے۔ گزشتہ 10 ہفتوں کے دوران چینی کی اوسط قیمت 21 روپے 26 پیسے فی کلو بڑھی ہے۔ ملک میں چینی کی قیمت 160 روپے فی کلو تک پہنچ گئی ہے۔ وفاقی حکومت نے 2024 میں چینی کی برآمد کی اجازت دی تھی، اور جولائی سے اکتوبر کے دوران ساڑھے 7 لاکھ میٹرک ٹن چینی برآمد کرنے کی منظوری دی گئی تھی۔ اکتوبر میں 5 لاکھ میٹرک ٹن چینی برآمد کرنے کی بھی اجازت دی گئی تھی۔