news
زمین سے سیارچے کے ٹکرانے کے امکانات دُگنے، ممکنہ تصادم 2032 میں
ایک نئی تحقیق میں یہ بات سامنے آئی ہے کہ 2032 میں زمین کے ایک سیارچے سے ٹکرانے کے امکانات دُگنے ہو چکے ہیں۔
سائنس دانوں کے مطابق 22 دسمبر 2032 کو زمین اور پچھلے سال دریافت ہونے والے سیارچے 2024 وائے آر کے درمیان تصادم کا خدشہ ہے۔
90 میٹر بڑے اس سیارچے کے بارے میں پچھلے ہفتے کی گئی پیشگوئیوں میں زمین سے قریب موجود اس فلکی جسم کے زمین سے ٹکرانے کے امکانات 1 فیصد تھے، جو اب بڑھ کر 2.3 فیصد ہو گئے ہیں۔
امریکی خلائی ادارے ناسا کا کہنا ہے کہ وہ اس سیارچے کا مطالعہ جاری رکھے گا اور جیسے جیسے اس کے بارے میں مزید معلومات حاصل ہوں گی، اس کے ٹکرانے کے امکانات کے حوالے سے نظر ثانی کی جاتی رہے گی۔