news
پاکستان اسٹاک ایکسچینج: 100 انڈیکس میں 3,932 پوائنٹس کی کمی
پاکستان اسٹاک ایکسچینج کے حالیہ کاروباری ہفتے کی تازہ ترین معلومات سامنے آ گئی ہیں۔
بازارِ حصص کا 100 انڈیکس اس ہفتے 3 ہزار 932 پوائنٹس کی کمی کے ساتھ 1 لاکھ 10 ہزار 322 پر بند ہوا ہے۔
کاروباری ہفتے کے دوران 100 انڈیکس 5 ہزار 215 پوائنٹس کے بینڈ میں متحرک رہا۔
پاکستان اسٹاک ایکسچینج میں آج کاروبار ملا جلا رہا۔
اسٹاک مارکیٹ کے 100 انڈیکس کی اس ہفتے کی بلند ترین سطح 1 لاکھ 14 ہزار 620 جبکہ کم ترین سطح 1 لاکھ 9 ہزار 405 رہی۔
شیئر بازار میں ایک ہفتے کے دوران 1 ارب 73 کروڑ شیئرز کے سودے ہوئے۔
بازارِ حصص کے ہفتہ وار کاروبار کی مالیت 84.83 ارب روپے رہی، جبکہ مارکیٹ کیپٹلائزیشن اس ہفتے 403 ارب روپے کی کمی کے ساتھ 13 ہزار 649 ارب روپے تک پہنچ گئی ہے۔