صدر آصف زرداری کی صدر شی جن پنگ سے ملاقات، چین کو اولین اتحادی قرار دے دیا

صدر مملکت آصف علی زرداری نے چین کے صدر شی جن پنگ سے ملاقات کے دوران کہا کہ ہم پہلے چین کے اتحادی ہیں اور پھر کسی اور کے، یہ کہنا کہ پڑوسی سے زیادہ ہمارے قریب کوئی اور ہے، غلط ہوگا۔ انہوں نے مزید کہا کہ دہشت گرد حملے پاکستان اور چین کے گہرے تعلقات اور دوستی کو متاثر نہیں کرسکتے۔ صدر آصف علی زرداری بیجنگ میں چین کے عظیم عوامی ہال پہنچے، جہاں چین کے صدر نے ان کا استقبال کیا۔

چین کی مسلح افواج کے چاک وچوبند دستے نے صدر مملکت کو گارڈ آف آنر دیا اور اس موقع پر پاکستان اور چین کے قومی ترانے بھی بجائے گئے۔ دونوں رہنماﺅں کے درمیان ملاقات کے دوران دوطرفہ معاشی تعاون کے منصوبوں، علاقائی اور بین الاقوامی مسائل پر تبادلہ خیال کیا گیا اور شراکت داری کے دائرہ کار کو مزید وسعت دینے کے مواقع پر گفتگو ہوئی۔

اس موقع پر صدر مملکت آصف علی زرداری نے صدر شی جن پنگ کو دورہ پاکستان کی دعوت دی۔ انہوں نے کہا کہ پاکستان کے عوام اور حکومت صدر شی جن پنگ کو ایک وژنری رہنما اور پاکستان کے خاص دوست کے طور پر انتہائی قدر کی نگاہ سے دیکھتے ہیں۔ صدر شی جن پنگ اور صدر آصف زرداری کی بیجنگ میں گریٹ ہال آف چائنہ میں ملاقات ہوئی، جس میں چینیوں کی پاکستان میں سکیورٹی اور سی پیک منصوبوں پر تیزی سے بات چیت ہوئی۔ صدر آصف علی زرداری نے گفتگو کرتے ہوئے کہا کہ چین اور۔