news
چینی چیٹ بوٹ ڈیپ سیک کا ڈیٹا لیک، 10 لاکھ ریکارڈز بے نقاب
چینی چیٹ بوٹ ڈیپ سیک سے ایک اہم ڈیٹا لیک ہوا ہے جس کے نتیجے میں دس لاکھ سے زیادہ حساس ریکارڈز افشا ہوگئے ہیں۔
CSO آن لائن کی ایک رپورٹ کے مطابق، Wiz Research کے سائبر سیکیورٹی محققین نے اس لیک کا انکشاف کیا ہے۔
ان کا کہنا ہے کہ یہ لیک ڈیٹا کی حفاظت اور رازداری کے حوالے سے سنگین خدشات پیدا کرتا ہے، خاص طور پر جب اے آئی کمپنیاں بڑی مقدار میں معلومات جمع اور تجزیہ کر رہی ہیں۔
ڈیپ سیک، جو کہ ایک چینی AI چیٹ بوٹ ہے، نے مبینہ طور پر بغیر کسی مناسب تصدیق کے ایک بڑے ڈیٹا بیس کو دنیا بھر کے صارفین کے لیے افشا کر دیا ہے۔
وِز ریسرچ کے مطابق، اس ڈیٹا بیس میں حساس معلومات شامل ہیں جیسے چیٹ لاگ، سسٹم کی تفصیلات، آپریشنل میٹا ڈیٹا، اے پی آئی سیکریٹ اور حساس لاگ اسٹریمز۔
لیک ہونے والے ڈیٹا بیس میں 10 لاکھ سے زیادہ ریکارڈز کا تخمینہ لگایا گیا ہے اور یہ انٹرنیٹ کنکشن رکھنے والے ہر فرد کے لیے قابل رسائی ہے۔