مری میں برف باری، کراچی میں خشک موسم، ملک کے بیشتر علاقوں میں سردی برقرار

ملکۂ کوہسار مری نے برف کی چادر اوڑھ لی ہے، اور اس کے گرد و نواح میں بارش و برف باری کا سلسلہ جاری ہے۔

ترجمان پی ڈی ایم اے کے مطابق آئندہ 24 گھنٹوں کے دوران مری میں مزید بارش و برف باری کے امکانات ہیں، جس سے ٹریفک کی روانی متاثر ہونے کا خدشہ ہے۔

گزشتہ رات سے مری میں ڈھائی انچ تک برف باری ریکارڈ کی گئی ہے، اور سڑکوں پر انتظامیہ کی جانب سے نمک کا چھڑکاؤ بھی کیا جا رہا ہے۔

کراچی: موسم خشک اور خنک رہنے کا امکان

ترجمان پی ڈی ایم اے نے متعلقہ حکام کو ہدایت کی ہے کہ کسی قسم کی غفلت نہ کی جائے اور ٹریفک کی روانی کو یقینی بنایا جائے۔

ڈی جی پی ڈی ایم اے نے شہریوں کو احتیاط برتنے اور غیر ضروری سفر سے گریز کرنے کی ہدایت کی ہے، اور ایمرجنسی صورتِ حال میں پی ڈی ایم اے کی ہیلپ لائن 1129 پر رابطہ کرنے کا کہا ہے۔

ملک کے بیشتر علاقوں میں موسم خشک اور سرد رہنے کا امکان ہے۔

دوسری جانب، ملک کے بیشتر علاقوں میں موسم خشک اور سرد رہنے کی توقع ہے۔

محکمۂ موسمیات کا کہنا ہے کہ بلوچستان کے شمالی علاقوں میں سائبرین ہوائیں چلنے کی وجہ سے کوئٹہ، قلات، زیارت، پشین، مستونگ اور بولان میں سردی کی شدت میں اضافہ ہو گیا ہے۔

قلات میں کم سے کم درجۂ حرارت منفی 8 ڈگری سینٹی گریڈ تک پہنچ گیا ہے۔

آزاد کشمیر میں اٹھ مقام سمیت زیریں علاقوں میں رات سے بارش اور پہاڑوں پر ہلکی برف باری جاری ہے۔