head lines
پیکا ایکٹ پر تنازع: مولانا فضل الرحمان کی حکومت پر کڑی تنقید
دینہ: جمعیت علمائے اسلام (ف) کے سربراہ مولانا فضل الرحمان نے پیکا ایکٹ ترمیمی بل 2025 پر شدید تحفظات کا اظہار کرتے ہوئے کہا کہ یہ قانون براہ راست ملکی صحافت پر اثر انداز ہوگا۔
پریس کانفرنس میں ان کا کہنا تھا کہ انہوں نے صدر مملکت آصف علی زرداری سے بل پر بات کی تھی، جنہوں نے کہا تھا کہ محسن نقوی صحافیوں سے رابطہ کریں گے، لیکن بعد میں معلوم ہوا کہ صدر نے بل پر دستخط کر دیے ہیں۔ مولانا فضل الرحمان نے اس رویے کو غیر مناسب قرار دیتے ہوئے کہا کہ ایسا نہیں ہونا چاہیے کہ کہا کچھ جائے اور کیا کچھ اور جائے۔
انہوں نے کہا کہ پیکا ایکٹ کے حوالے سے صحافیوں کے تحفظات کو مدنظر رکھتے ہوئے مشاورت ہونی چاہیے، جبکہ سوشل میڈیا کی خرابیوں کے ازالے پر کوئی اختلاف نہیں۔