head lines
ایران جوہری مذاکرات کے لیے تیار، مغربی ممالک کی سنجیدگی لازمی
ایران جوہری مذاکرات پر آمادہ، لیکن مغربی ممالک کی سنجیدگی شرط
تہران: ایران نے عندیہ دیا ہے کہ اگر مغربی ممالک حقیقی سنجیدگی دکھائیں تو وہ جوہری پروگرام پر مذاکرات کے لیے تیار ہے۔ ایرانی وزارتِ خارجہ کے ترجمان اسماعیل بقائی نے کہا کہ تہران پہلے بھی کئی بار بات چیت پر آمادگی ظاہر کر چکا ہے، لیکن یہ تبھی ممکن ہوگا جب دوسرا فریق مخلص ہو۔
انہوں نے مزید کہا کہ ایران کی پالیسی دیگر فریقین کے اقدامات پر منحصر ہوگی اور اگر ایران پر دوبارہ پابندیاں لگائی گئیں تو وہ جوہری عدم پھیلاؤ کے معاہدے (NPT) کی پاسداری نہیں کرے گا۔
ترجمان نے امید ظاہر کی کہ نئے امریکی صدر ڈونلڈ ٹرمپ ایران کے خلاف حقیقت پسندانہ رویہ اپنائیں گے۔
دوسری جانب، ایران نے اسرائیل پر ممکنہ حملے کی تیاری سے خطے کے ممالک کو آگاہ کر دیا ہے، جس سے مشرق وسطیٰ میں کشیدگی بڑھنے کے امکانات ہیں