پاکستان بمقابلہ ویسٹ انڈیز: دوسرا ٹیسٹ میچ

پاکستان اور ویسٹ انڈیز کے درمیان دو ٹیسٹ میچز کی سیریز کا آخری میچ ویسٹ انڈیز نے تیسرے دن 120 رنز سے جیت لیا۔ ویسٹ انڈیز نے پاکستان کو جیت کے لیے 254 رنز کا ہدف دیا تھا، لیکن جواب میں پاکستان کی پوری ٹیم 133 رنز پر آؤٹ ہوگئی، جس کے نتیجے میں 1990ء کے بعد ویسٹ انڈیز نے پاکستان میں پہلا ٹیسٹ جیتا ہے۔

کھیل کے تیسرے دن کے آغاز پر ہی سعود شکیل 13 اور نائٹ واچ مین کاشف علی ایک رن بنا کر آؤٹ ہوئے، جبکہ سلمان علی آغا 15 رنز پر پویلین لوٹے۔ اس کے علاوہ ساجد خان 7، نعمان علی 6 اور محمد رضوان 25 رنز بنا کر آؤٹ ہوئے۔ اس سے پہلے ملتان ٹیسٹ کے دوسرے روز اور دوسری اننگز میں پاکستان ٹیم مشکلات کا شکار ہوگئی تھی، اور ویسٹ انڈیز کے 254 رنز کے تعاقب میں 76 رنز پر 4 کھلاڑی پویلین لوٹ چکے تھے۔

کپتان شان مسعود اور محمد ہریرہ 2، 2 رن بنا سکے، کامران غلام 19 اور بابر اعظم 31 رنز بنا کر آؤٹ ہوئے۔ ملتان ٹیسٹ میں ویسٹ انڈیز نے دوسری اننگز 9 رن کی برتری کے ساتھ شروع کی تھی، کپتان بریتھ ویٹ اور میکائیل لوئیس نے 50 رنز کی بنیاد رکھی، میکائیل 7 رن بنا کر آؤٹ ہوئے، پھر عامر جنگو نے کپتان کے ساتھ اسکور 92 تک پہنچایا۔ بریتھ ویٹ کی 52 رنز کی اننگز نعمان علی نے ختم کی، اس کے بعد رنز بنتے رہے اور وکٹیں بھی گرتی رہیں۔ املاچ نے 35 اور سنکلیئر نے 28 رنز بنائے، اور ویسٹ انڈیز کی پوری ٹیم…