film
سونو نگم کی اے آر رحمان کے ’یُووراج‘ کے گانوں پر تنقید
بھارت کے معروف گلوکار سونو نگم نے ساتھی گلوکار اے آر رحمان کے کمپوز کردہ فلم ’یُووراج‘ کے گانوں اور میوزک پر تنقید کی ہے۔
بھارتی میڈیا کے مطابق ایک حالیہ انٹرویو میں سونو نگم نے گانے ’شانو شانو‘ کو معمولی اور اچھا گانا نہ ہونے کا حوالہ دیتے ہوئے کہا، ’اس پر بات نہ کریں۔ میں جھوٹ نہیں بول سکتا اور خراب گانے کی تعریف نہیں کر سکتا۔‘
فلم کے دیگر گانوں کے بارے میں سوال پر سونو نگم نے کہا، ’وہ بھول جائیے، اس فلم کے سارے گانے بیکار تھے۔‘
یاد رہے کہ یُووراج سبھاش گھئی کی ہدایت کاری اور پروڈکشن میں بننے والی ایک میوزیکل رومانوی فیملی ڈراما فلم تھی، جس میں سلمان خان، کترینہ کیف، انیل کپور، اور زید خان نے مرکزی کردار ادا کیے۔
اگرچہ فلم باکس آفس پر ناکام رہی، لیکن اس کا میوزک اے آر رحمان نے کمپوز کیا اور گلزار نے بول لکھے تھے۔