drama
راکھی ساونت کا پاکستان آنے کا اعلان، ہانیہ عامر سے ملاقات کی خواہش
بھارتی اداکارہ و ماڈل راکھی ساونت نے ہانیہ عامر سے ملاقات کے لیے پاکستان آنے کا اعلان کیا ہے۔
راکھی ساونت نے سوشل میڈیا پر ایک ویڈیو شیئر کی ہے جس میں وہ بیگ کے ساتھ ائیر پورٹ پر نظر آ رہی ہیں۔
ویڈیو میں راکھی پاکستانی اداکارہ ہانیہ عامر کے لیے اپنی محبت کا اظہار کرتے ہوئے کہتی ہیں کہ وہ پاکستان آ رہی ہیں اور ہانیہ کے خاندان کے ساتھ رہنا چاہتی ہیں۔
راکھی نے کہا کہ ‘میں پاکستان کے بڑے اسٹارز ہانیہ، نرگس اور دیگر سے ملنا چاہتی ہوں، اس لیے پاکستان آ رہی ہوں، ہانیہ مجھے ائیر پورٹ پر لینے آؤ’۔
سوشل میڈیا پر راکھی ساونت اور ہانیہ عامر کے درمیان ویڈیوز کے تبادلے کا سلسلہ جاری ہے، جس پر صارفین کی جانب سے دلچسپ ردعمل بھی سامنے آ رہے ہیں۔
راکھی کی اس ویڈیو پر صارفین مزاحیہ انداز میں ہانیہ کو مخاطب کرتے ہوئے کہہ رہے ہیں کہ ہانیہ، راکھی پاکستان آ رہی ہے، تم پاکستان سے چلی جاؤ۔