news
وزیرِ اعظم کے قومی اسمبلی میں پہنچتے ہی اپوزیشن نے احتجاج
وزیرِ اعظم کے قومی اسمبلی میں پہنچتے ہی اپوزیشن نے احتجاج شروع کر دیا اور نعرے لگائے۔
وزیرِ قانون کے بیان کے دوران بھی اپوزیشن کے ارکان نے شور شرابا جاری رکھا۔
اپوزیشن کے نعروں کے جواب میں حکومتی ارکان نے ’شیر آیا، شیر آیا‘ کے نعرے لگائے۔
وزیرِ اعظم شہباز شریف نے کہا ہے کہ غزہ میں بحالی اور تعمیرِ نو کے عمل کے لیے پاکستان اپنا کردار ادا کرے گا۔
اس سے قبل وفاقی کابینہ کے اجلاس میں گفتگو کرتے ہوئے وزیرِ اعظم نے کہا کہ غزہ میں 50 ہزار سے زائد فلسطینیوں کو شہید کیا گیا، جن میں زیادہ تعداد بچوں اور خواتین کی ہے۔
انہوں نے مزید کہا کہ ہزاروں فلسطینیوں کو جیلوں میں ڈالا گیا اور انفرا اسٹرکچر کو تباہ کیا گیا، غزہ میں جنگ بندی کے لیے بھرپور آواز اٹھائی اور امدادی سامان بھی بھیجا، جس کے بعد بہت خونریزی کے بعد جنگ بندی ہوئی۔
شہباز شریف نے یہ بھی کہا کہ کل گوادر انٹرنیشنل ایئر پورٹ کا افتتاح ہوا، جو کہ ایک خوش آئند بات ہے، کیونکہ یہ ملک کے بڑے ہوائی اڈوں میں شمار ہوتا ہے۔