music
بوہیمیا کا لاہور کنسرٹ میں انتظامیہ پر غصے کا اظہار
عالمی شہرت یافتہ گلوکار بوہیمیا لاہور میں منعقد کنسرٹ کے دوران انتظامیہ پر غصے میں آ گئے۔
سوشل میڈیا پر ایک ویڈیو وائرل ہو رہی ہے جس میں پاکستانی نژاد امریکی گلوکار بوہیمیا کو غصے کا اظہار کرتے دیکھا جا سکتا ہے۔
اسٹیج پر آتے ہی بوہیمیا نے کہا کہ ’میں پچھلے 5 گھنٹے بیک اسٹیج بیٹھا ہوا اپنی پرفارمنس کا انتظار کر رہا ہوں اور اب آپ کہہ رہے ہیں کہ ٹائم ختم ہوگیا ہے‘۔
گلوکار کے اس جملے پر کنسرٹ میں موجود مداحوں نے بھی شور مچانا شروع کر دیا، جس پر بوہیمیا نے کہا ’میں اس کنسرٹ اور اس کی انتظامیہ کی عزت کرتا ہوں مگر یہاں بد انتظامی ہوئی ہے، یہ لوگ مجھے سننے کے لیے یہاں آئے ہیں اور اتنی دیر سے اسٹیج پر بکواس چل رہی ہے۔‘
بوہیمیا نے آخر میں اپنی پرفارمنس کا آغاز کرتے ہوئے کہا کہ میں پون گھنٹے کی پرفارمنس پلان کر کے آیا تھا ان لوگوں کے لیے، اب تو اسٹیج سے ہی سیدھا جیل جاؤں گا۔