شیری رحمان کا پی ٹی آئی کی امریکی لابنگ پر تنقید

پاکستان پیپلز پارٹی کی رہنما اور سینیٹر شیری رحمان نے یہ دعویٰ کیا ہے کہ پاکستان تحریک انصاف نے امریکہ میں کافی لابنگ کی ہوئی ہے۔ اپنے ایک بیان میں انہوں نے کہا کہ دیگر ممالک اور جماعتیں بھی لابنگ کرتی ہیں کیونکہ امریکہ اب بھی ایک بڑی طاقت ہے۔ اگر امریکہ میں سردی ہو تو پوری دنیا چھینک مارتی ہے، لیکن یہ تعمیری لابنگ ہوتی ہے۔ اسی طرح پی ٹی آئی والے بھی لابنگ کر سکتے ہیں، لیکن ریاست کے خلاف نہیں۔ قومیں ہمیشہ اپنا ایجنڈا سامنے رکھتی ہیں، چاہے ان کی بات سنی جائے یا نہیں۔

سینیٹر شیری رحمان نے مزید کہا کہ سوال یہ ہے کہ امریکہ کو پاکستان میں اتنی دلچسپی کیوں ہوگی؟ اگر ہوگی تو وہ افغانستان کے سکیورٹی تناظر میں ہوگی۔ سوشل میڈیا پر باتوں کو توڑ مروڑ کر پیش نہیں کرنا چاہیے۔ عافیہ صدیقی امریکہ کے انصاف کے نظام میں پھنس گئی ہیں، اور اس نظام کو ہلانا بہت مشکل ہوتا ہے۔ عافیہ صدیقی کے ساتھ نا انصافی بھی ہوئی ہے، اور معافی کا اختیار ہر ملک میں ہوتا ہے، اب یہ ان کی سوچ پر منحصر ہے۔

چند روز قبل میڈیا سے گفتگو کرتے ہوئے پی ٹی آئی کے سیکرٹری جنرل سلمان اکرم راجہ نے کہا تھا کہ ٹرمپ کی تقریب حلف برداری میں شرکت کے لیے ہمارے 20 لوگوں کو دعوت نامہ آیا ہے۔ پارٹی قیادت نو منتخب امریکی صدر کی تقریب حلف برداری میں نہیں جا رہی، تاہم ہمارے لوگ وہاں جائیں گے۔