news
اسرائیل فلسطینی قیدیوں کی رہائی: جنگ بندی معاہدے کے تحت فہرست جاری
اسرائیل نے جنگ بندی معاہدے کے تحت رہا ہونے والے 95 فلسطینی قیدیوں کی فہرست جاری کی ہے، جن میں زیادہ تر خواتین شامل ہیں۔
فرانسیسی خبر ایجنسی کے مطابق اس فہرست میں 69 خواتین، 16 مرد اور 10 نابالغ بچے شامل ہیں۔ وزارت کے مطابق، فہرست میں سب سے کم عمر قیدی 16 سال کا ہے، اور ان قیدیوں کو اسرائیلی یرغمالیوں کے بدلے اتوار سے رہا کیا جائے گا۔
اسرائیلی روزنامہ ہاریٹز کی رپورٹ کے مطابق اس فہرست میں فلسطینی پارلیمنٹ کی رکن اور قانون ساز خالدہ جرار بھی شامل ہیں، جنہیں جنگ کے آغاز میں گرفتار کیا گیا تھا اور تب سے وہ بغیر کسی مقدمے کے حراست میں ہیں۔
اس سے پہلے اسرائیل کی سکیورٹی کابینہ اور حکومت نے جنگ بندی اور یرغمالیوں کی رہائی کے معاہدے کی منظوری دی تھی۔