news
عمران خان کی سزا پر تحریک انصاف کا اسمبلی کے باہر احتجاج
عمران خان اور بشریٰ بی بی کو عدالت کی جانب سے سزا سنائے جانے پر تحریک انصاف کے ارکان نے اسمبلی کے باہر احتجاج کیا۔
احتساب عدالت نے 190 ملین پاؤنڈز کے کیس میں پی ٹی آئی کے بانی چیئرمین عمران خان اور ان کی اہلیہ بشریٰ بی بی کو مجرم قرار دیتے ہوئے سزا سنائی۔
عدالتی فیصلے کے مطابق عمران خان کو 14 سال اور بشریٰ بی بی کو 7 سال قید بامشقت کی سزا دی گئی ہے۔ اس کے علاوہ دونوں پر جرمانہ بھی عائد کیا گیا ہے اور القادر ٹرسٹ اور یونیورسٹی کو سرکاری کنٹرول میں دے دیا گیا ہے۔
فیصلے کے خلاف پنجاب اور سندھ اسمبلی کے پی ٹی آئی ارکان نے احتجاج کیا۔ اپوزیشن کے ارکانِ پنجاب اسمبلی نے فیصلے کے خلاف احتجاج کے دوران ہاتھوں میں بینرز اور عمران خان کی تصاویر اٹھا رکھی تھیں۔
دوسری جانب سندھ اسمبلی کے ارکان نے بھی عدالتی فیصلے کے خلاف احتجاج کیا۔