news
لاس اینجلس کے جنگلات میں بدترین آگ: تباہی اور نقصانات کا تخمینہ
امریکی شہر لاس اینجلس کے جنگلات میں تاریخ کی بدترین آگ کی سیٹلائیٹ تصویر سامنے آئی ہے۔
اس تصویر سے آگ کی شدت اور اس کے نتیجے میں ہونے والی تباہی کا اندازہ لگایا جا سکتا ہے۔
غیر ملکی میڈیا کے مطابق، اس تاریخ کی بدترین آگ نے 29 ہزار سے زائد ایکڑ رقبہ متاثر کیا ہے۔ منگل سے لگی آگ بجھانے کے لیے پانی اور اہلکاروں کی کمی محسوس کی جا رہی ہے، جس کے نتیجے میں 5 افراد ہلاک اور درجنوں زخمی ہو چکے ہیں، اور اموات میں اضافے کا خدشہ بھی ظاہر کیا جا رہا ہے۔
امریکی میڈیا کی رپورٹ کے مطابق متاثرہ علاقوں میں 95 ہزار صارفین بجلی سے محروم ہیں۔
آگ سے متاثرہ علاقے سے 1 لاکھ 80 ہزار افراد کو انخلاء کی ہدایت کی گئی ہے، جبکہ 2 ہزار سے زیادہ املاک راکھ میں تبدیل ہو چکی ہیں، اور مشہور ہالی ووڈ شخصیات کے اربوں روپے مالیت کے گھر بھی تباہ ہو گئے ہیں۔
نقصانات کا ابتدائی تخمینہ 50 ارب ڈالرز سے زائد ہو چکا ہے، اور خشک اور تیز ہواؤں کی وجہ سے آگ کے مزید پھیلنے کا خطرہ برقرار ہے۔
دوسری جانب، امریکی صدر جو بائیڈن نے لاس اینجلس میں آگ لگنے سے ہونے والی تباہی کے حوالے سے اگلے 6 ماہ تک 100 فیصد اخراجات اٹھانے کا اعلان کیا ہے۔
انہوں نے اس آتش زدگی کو موسمیاتی تبدیلی کی وجہ قرار دیا ہے۔