news
جمائما گولڈ اسمتھ ہائیکنگ حادثے میں زخمی، اسپتال داخل
بانی پی ٹی آئی کی سابق اہلیہ جمائما گولڈ اسمتھ ہائیکنگ کے دوران پہاڑ سے گر کر زخمی ہو گئیں، اس بارے میں انہوں نے انسٹاگرام پر کچھ تصاویر بھی شیئر کیں۔
ان کے فلم پروڈیوسر نے بتایا کہ وہ کیپ ٹاؤن میں لائن ہیڈ نامی چوٹی پر مہم کے دوران پھسل گئیں، جس کے بعد انہیں مقامی اسپتال میں داخل کرایا گیا۔
ایک تصویر میں جمائما کو وہیل چیئر پر طبی امداد کے لیے لے جاتے ہوئے دیکھا گیا۔ انہوں نے اپنی ٹانگ پر پلستر لگے اسپتال کے کمرے میں بیساکھیوں کے سہارے مسکراتے ہوئے تصویر کے لیے پوز بھی دیا۔
انہوں نے اپنی پوسٹ کے کیپشن میں “کیپ ٹاؤن میں تہوار کا وقفہ” کے نام سے بھی ذکر کیا۔
