news
ویسٹ انڈیز کا ٹیسٹ اسکواڈ پاکستان پہنچ گیا، 17 جنوری سے سیریز کا آغاز
ویسٹ انڈیز کا ٹیسٹ اسکواڈ پاکستان کے خلاف ٹیسٹ سیریز کے لیے اسلام آباد پہنچ گیا ہے۔
یہ اسکواڈ کپتان کریگ براتھ ویٹ کی قیادت میں فلائٹ ای کے 612 کے ذریعے دبئی سے اسلام آباد آیا۔
ایئرپورٹ پر پہنچنے کے فوراً بعد، ٹیم کو سخت سیکیورٹی کے ساتھ ہوٹل منتقل کیا گیا۔
ویسٹ انڈیز کی ٹیم پاکستان شاہینز کے خلاف 10 سے 12 جنوری تک اسلام آباد کلب میں پریکٹس میچ کھیلے گی۔
اس کے علاوہ، دونوں ٹیموں کے درمیان پہلا ٹیسٹ میچ 17 جنوری کو ملتان میں شروع ہوگا۔
دوسرا ٹیسٹ میچ اسی مقام پر 25 جنوری سے کھیلا جائے گا۔