news
پاکستان اسٹاک ایکسچینج میں زبردست تیزی، انڈیکس نئی بلند ترین سطح پر
کراچی:
پاکستان اسٹاک ایکسچینج میں زبردست تیزی کے ساتھ کاروبار کا آغاز ہوا، جس کے نتیجے میں انڈیکس نئی بلند ترین سطح پر پہنچ گیا۔
کاروباری ہفتے کے پہلے دن بازارِ حصص میں 633 پوائنٹس کی تیزی کے ساتھ مارکیٹ کا آغاز ہوا، جس کے ساتھ ہی کے ایس ای 100 انڈیکس بڑھ کر 118220 پوائنٹس کی نئی بلند ترین سطح پر پہنچ گیا۔
بعد ازاں پی ایس ایکس میں تیزی کا رجحان جاری رہا اور 722 پوائنٹس کی تیزی کے ساتھ انڈیکس 118314 پوائنٹس کی سطح کو چھو گیا۔
یہ بات قابل ذکر ہے کہ گزشتہ ہفتے کاروبار کے آخری دن پاکستان اسٹاک ایکسچینج میں مندی کا رجحان رہا تھا، جس کی وجہ سے انڈیکس ایک لاکھ 16 ہزار پوائنٹس کی سطح پر پہنچ گیا تھا۔