drama
نیلم منیر کی دبئی میں شادی: عروسی لباس کی قیمت اور تفصیلات
پاکستانی اداکارہ نیلم منیر خان نے گزشتہ روز دبئی میں شادی کر لی اور ان کی شادی کی تصاویر سوشل میڈیا پر تیزی سے وائرل ہو رہی ہیں۔ اداکارہ کے عروسی لباس کی قیمت اور دیگر تفصیلات نے مداحوں کی توجہ حاصل کر لی ہے۔ نیلم منیر نے اپنی زندگی کے اس خاص دن کے لیے سفید اور سلور کے امتزاج سے تیار کردہ غرارے کے ساتھ خوبصورت شرٹ اور ہم رنگ دوپٹے کا انتخاب کیا، جبکہ ان کے شوہر محمد راشد کو سفید عربی لباس “ثوب” میں دیکھا گیا۔
نیلم کی پوسٹ کے مطابق ان کا عروسی لباس مشہور فیشن برانڈ Baroque نے ڈیزائن کیا ہے۔ اس فیشن برانڈ کی ویب سائٹ سے معلوم ہوا کہ یہ دلکش عروسی لباس سفید شیفون پر ہینڈ ایمبرائیڈری کے ساتھ تیار کیا گیا ہے، جس میں وائٹ پرلز، بیڈز اور سیکوئنسز کا شاندار استعمال کیا گیا ہے۔ برانڈ کا کہنا ہے کہ اس سلے ہوئے لباس کی قیمت 49 ہزار 900 روپے اور ان سلے لباس کی قیمت 29 ہزار 900 روپے ہے۔ نیلم منیر کی جانب سے جاری کردہ تصاویر میں نہ صرف ان کے لباس بلکہ جیولری، میک اپ اور فوٹوگرافی کی تفصیلات بھی شامل کی گئی ہیں، جو ان کے مداحوں کے درمیان گفتگو کا موضوع بن گئی ہیں۔