وزیراعلیٰ سندھ مراد علی شاہ: ریسکیو 1122 کے سیٹلائٹ اسٹیشنز کا آغاز، ہنگامی خدمات کے نئے سنگ میل

کراچی:
وزیراعلیٰ سندھ سید مراد علی شاہ نے کہا ہے کہ کراچی کے مسائل بہت زیادہ ہیں، لیکن ہم نے ان میں سے کئی کے حل نکال لیے ہیں۔

سندھ ایمرجنسی سروس ریسکیو 1122 کے ہائی وے ریسکیو آپریشنز کی افتتاحی تقریب سے خطاب کرتے ہوئے مراد علی شاہ نے کہا کہ چیئرمین بلاول بھٹو کی ہدایت ہے کہ واٹر سپلائی اور نکاسی آب کی اسکیمیں پورے صوبے میں فراہم کی جائیں۔ آج کا دن ہماری جدوجہد کے لیے ایک اہم سنگ میل ہے، ہم سندھ کو محفوظ، مضبوط اور خوشحال بنانے کے لیے کوشاں ہیں، اور ریسکیو 1122 عالمی معیار کی ایمرجنسی خدمات فراہم کرنے کا ایک بہترین اقدام ہے۔

انہوں نے مزید کہا کہ سندھ ایمرجنسی سروس ریسکیو 1122 کا جدید ترین سینٹرل کمانڈ اینڈ کنٹرول سینٹر 2022ء میں کراچی میں قائم کیا گیا تھا، اور آج ہم ریسکیو 1122 کے سیٹلائٹ اسٹیشنز کا آغاز کر رہے ہیں جو بڑی شاہراہوں اور موٹرویز کے ساتھ ساتھ قریبی آبادیوں کو بھی ہنگامی خدمات فراہم کریں گے۔

مراد علی شاہ نے وضاحت کی کہ ریسکیو 1122 سندھ میں ایمرجنسی خدمات کی ضرورت کو پورا کرنے کے لیے قائم کیا گیا ہے، یہ منصوبہ ورلڈ بینک کی معاونت سے شروع ہوا تھا اور اب یہ مکمل طور پر سندھ حکومت کے محکمہ بحالی کے تحت کام کر رہا ہے۔

وزیراعلیٰ نے کہا کہ ریسکیو 1122 کے ورکرز کو بین الاقوامی سطح کی اکیڈمی سے مکمل پیشہ ورانہ تربیت فراہم کی جاتی ہے، ہم سن.