news
چین نے سیٹلائٹ سے زمین تک لیزر کمیونیکیشن میں تاریخی کامیابی حاصل کرلی
چین نے سیٹلائٹ سے زمین تک لیزر کمیونیکیشن میں ایک نئی کامیابی حاصل کی ہے، جس کے نتیجے میں ایلون مسک کی اسٹار لنک کو پیچھے چھوڑ دیا گیا ہے۔
اس کامیابی کے بعد یہ بات سامنے آئی ہے کہ 6 جی انٹرنیٹ کے ساتھ سیٹلائیٹ اور لیزر کمیونیکیشنز کا استعمال کرتے ہوئے دیگر ٹیکنالوجی میں حقیقی تبدیلی قریب ہے۔
چینگ گوانگ سیٹلائٹ ٹیکنالوجی، جو جِیلِن-1 سیٹلائٹ کونسٹیلیشن کی تخلیق کر رہی ہے، نے یہ کامیابی گزشتہ ہفتے ایک آزمائش کے دوران حاصل کی۔
کمپنی نے اس آزمائش میں 100 گیگا بٹ فی سیکنڈ کی الٹرا ہائی اسپیڈ پر تصویری ڈیٹا کی منتقلی کی رفتار کو کامیابی سے حاصل کرنے کی تصدیق کی۔
یہ رفتار کمپنی کے پچھلے ریکارڈ سے 10 گنا زیادہ ہے۔
کمپنی کے مطابق، یہ کامیابی ایک ٹرک پر بنائے گئے گراؤنڈ اسٹیشن اور جِیلِن-1 سیٹلائٹس میں سے ایک کے درمیان ریکارڈ کی گئی۔