پی ایس ایل 10: ڈیوڈ وارنر سمیت نامور کرکٹرز کا ڈرافٹ میں شامل ہونے کا اعلان

پاکستان سپر لیگ (پی ایس ایل) کے دسویں ایڈیشن کے لیے غیرملکی کھلاڑیوں کے ڈرافٹ میں معروف آسٹریلوی کرکٹر ڈیوڈ وارنر بھی ابتدائی فہرست میں شامل ہوگئے ہیں۔

اس سال انڈین پریمئیر لیگ (آئی پی ایل) کی جانب سے نظرانداز کیے جانے والے آسٹریلوی اوپنر ڈیوڈ وارنر نے پی ایس ایل کے دسویں ایڈیشن کے لیے باضابطہ طور پر اپنا نام کھلاڑیوں کے ڈرافٹ میں درج کروا دیا ہے۔

اس سے پہلے پی سی بی کے اعلیٰ حکام آسٹریلوی اسٹار ڈیوڈ وارنر، اسٹیو اسمتھ اور کیوی کرکٹر کین ولیمسن کی شرکت کی تصدیق کا انتظار کر رہے تھے، لیکن ابھی تک صرف ایک کھلاڑی نے اپنی آمد کی یقین دہانی کرائی ہے۔

مزید پڑھیں: پی ایس ایل10؛ وارنر، اسمتھ اور ولیمسن کی شرکت کی تصدیق کا انتظار

اسی طرح کرس ووکس اور جونی بیئراسٹو کی شمولیت انگلش بورڈ کے این او سی سے مشروط ہوگی۔ بھارت کے علاوہ دیگر تمام ٹیسٹ ممالک کے کھلاڑی ڈرافٹ میں شامل ہیں، اور لیگ کی تاریخ میں اسٹار کھلاڑیوں کو سب سے زیادہ معاوضہ دیا جائے گا۔

مزید پڑھیں: پی ایس ایل؛ ڈیرل مچل کے بعد 2 نامور کیوی کرکٹرز بھی ڈرافٹس میں شامل

دوسری جانب نیوزی لینڈ کے اسٹار پیسر ایڈم ملنے نے بھی غیرملکی کھلاڑیوں کے ڈرافٹ میں اپنا نام درج کروا دیا ہے، ان کے علاوہ دیگر کیوی کھلاڑیوں میں ڈیرل مچل، ٹم ساؤتھی اور مارٹن گپٹل کے نام بھی شامل ہیں۔