film
کیرتی سریش کا پاپرازی کے نامناسب رویے پر ردعمل
بالی ووڈ میں حال ہی میں فلم بے بی جان سے ڈیبیو کرنے والی جنوبی بھارتی اداکارہ کیرتی سریش نے پاپرازی پر ناپسندیدہ انداز میں تصویر بنانے پر غصہ نکالا۔
بھارتی میڈیا کے مطابق، بے بی جان کی اسٹار کو ممبئی میں ایک غیر متوقع صورتحال کا سامنا کرنا پڑا۔ جب وہ اپنی گاڑی میں بیٹھنے جا رہی تھیں، تو ان کی ٹیم کی ایک رکن ایک فوٹوگرافر سے الجھ گئی۔
اس کی وجہ یہ تھی کہ فوٹوگرافر نے ساڑھی میں ملبوس اداکارہ کی نازیبا زاویے سے تصویر لینے کی کوشش کی، جس پر کیرتی سریش کی ٹیم کی رکن نے اس فوٹوگرافر سے تلخ کلامی کی۔
ایک انٹرویو میں 32 سالہ کیرتی نے اس واقعے پر بات کرتے ہوئے کہا کہ انہیں فوٹوگرافر کی اس حرکت پر بہت افسوس ہوا، کیونکہ وہ پہلے ہی کئی تصاویر کھنچوا چکی تھیں اور گاڑی میں بیٹھنے جا رہی تھیں۔ انہیں اس وقت اس واقعے کی خبر نہیں تھی۔ بعد میں ان کی ٹیم کی رکن، جس نے فوٹوگرافر کو روکا تھا، گاڑی میں آ کر انہیں اصل صورت حال سے آگاہ کیا۔
یہ واقعہ کیرتی کی نئی فلم ’بے بی جان‘ کی افتتاحی نمائش کے بعد پیش آیا، جہاں وہ پہلی بار اداکار ورون دھون کے ساتھ اسکرین پر نظر آئیں گی۔