news
مسٹر بیسٹ کے شو ’’بیسٹ گیمز‘‘ نے 50 ممالک میں نیا ریکارڈ قائم کیا
یوٹیوب پر سب سے زیادہ سبسکرائبر رکھنے والے مشہور یوٹیوبر مسٹر بیسٹ نے سوشل میڈیا پر یہ دعویٰ کیا ہے کہ ان کا شو “بیسٹ گیمز” 50 سے زائد ممالک میں ایمازون پرائم ویڈیو پر سب سے زیادہ دیکھا جانے والا شو بن چکا ہے۔
ٹریبیون کی رپورٹ کے مطابق، مسٹر بیسٹ نے اپنی منفرد ویڈیوز اور وائرل اسٹنٹس کی بدولت شہرت حاصل کی ہے، اور ان کی ویڈیوز نے لاکھوں ویوز حاصل کیے ہیں۔ اب ان کی نئی ایمازون پرائم ویڈیو سیریز “بیسٹ گیمز” نے ایک نیا ریکارڈ قائم کیا ہے۔
کافی انتظار کے بعد، بیسٹ گیمز کی پہلی دو اقساط ریلیز ہو چکی ہیں، اور مسٹر بیسٹ کے مطابق یہ شو دنیا کے 50 سے زائد ممالک میں پہلے نمبر پر ہے۔
سماجی رابطے کی ویب سائٹ (سابقہ ایکس) پر مسٹر بیسٹ نے ایک پوسٹ میں بتایا کہ بیسٹ گیمز شو زمین پر موجود تقریباً آدھے ممالک میں ٹاپ پر ہے۔ انہوں نے ان ممالک کی نشاندہی کی جہاں یہ شو ٹرینڈ کر رہا ہے، جن میں امریکا، برطانیہ، آسٹریلیا، انڈیا اور دیگر شامل ہیں، جن کی مکمل فہرست مسٹر بیسٹ کی سوشل میڈیا پوسٹ میں دیکھی جا سکتی ہے۔
ٹریبیون کے مطابق، اس سیریز میں ایک ہزار امیدواروں کو 5 ملین ڈالر کے کیش پرائز کے لیے مختلف چیلنجز دیے گئے ہیں۔ رپورٹ کے مطابق، اس سیریز کی پروڈکشن پر 100 ملین ڈالر کی لاگت آئی ہے۔