زرعی ادویات میں چینی سائنسدانوں کی بڑی کامیابی، نیا پروٹین دریافت

چین کے سائنسدانوں نے زرعی ادویات کی ترقی میں ایک اہم کامیابی حاصل کی ہے، جس میں انہوں نے کیڑوں کی مزاحمت ختم کرنے کے لیے ایک نیا پروٹین دریافت کیا ہے۔

غیر ملکی خبر رساں ادارے کی رپورٹ کے مطابق، چائنیز اکیڈمی آف ایگری کلچرل سائنسز کے تحت سائنسدانوں کی ایک ٹیم پروفیسر یانگ چھنگ کی قیادت میں زرعی جینیاتیات کے ادارے میں کام کر رہی ہے۔

اس ٹیم نے ایک نئے پروٹین کا دعویٰ کیا ہے، جس کا نام “اے بی سی ایچ” ہے۔ یہ پروٹین کیڑوں کے خلیوں میں لپڈ کی منتقلی اور کیڑے مار ادویات کی ڈیٹوکسیفیکیشن میں اہم کردار ادا کرتا ہے۔ چائنا ڈیلی کے مطابق، تحقیق میں یہ بات سامنے آئی ہے کہ ‘اے بی سی ایچ’ نامی پروٹینز پمپ کی طرح کام کرتے ہیں، جو کیڑوں کے خلیوں سے زہریلے مواد کو باہر نکال کر انہیں کیڑے مار ادویات کے خلاف مزاحمت کرنے میں مدد دیتے ہیں۔

چینی سائنسدانوں نے اس نئے پروٹین کی دریافت کو مکمل محفوظ اور ماحول دوست زرعی ادویات کی تیاری میں ایک اہم پیش رفت قرار دیا ہے۔

پروفیسر یانگ نے اپنے بیان میں امید ظاہر کی ہے کہ آنے والے برسوں میں مصنوعی ذہانت کی ٹیکنالوجی کے استعمال سے جدید زرعی ادویات تیار کی جا سکیں گی۔ واضح رہے کہ اقوام متحدہ کی خوراک و زراعت تنظیم (ایف اے او) کے مطابق، زرعی کیڑوں کی وجہ سے سالانہ عالمی فصلوں کا نقصان ہوتا ہے۔