انٹرٹینمنٹ
شہریار منور کی مہندی کی تصویر سوشل میڈیا پر وائرل، مداحوں کی مبارکباد
پاکستان کے مشہور اداکار اور میزبان شہریار منور کی مہندی کی تصاویر سوشل میڈیا پر وائرل ہوگئیں ہیں۔ شہریار منور اور اداکارہ ماہین صدیقی کی شادی کی تقریبات کا آغاز ہوچکا ہے، اور اس سے قبل قوالی نائٹ کی تصاویر بھی سوشل میڈیا پر گردش کر رہی تھیں۔
مہندی کے فنکشن میں ماہین صدیقی نے پیلے رنگ کا خوبصورت جوڑا پہنا تھا جبکہ شہریار منور نے آسمانی رنگ کا کرُتا زیب تن کیا تھا، جو مداحوں کی جانب سے بہت پسند کیا گیا۔
سوشل میڈیا پر شہریار منور اور ماہین صدیقی کے مداح انہیں شادی کی مبارکباد دے رہے ہیں اور ان کے لیے نیک خواہشات کا اظہار کر رہے ہیں۔
یاد رہے کہ گزشتہ ماہ شہریار منور نے ایک انٹرویو کے دوران دسمبر کے آخر میں اپنی شادی کا اعلان کیا تھا۔