news
گوگل کروم کا نیا اے آئی ٹول اسکیمز سے بچنے میں مددگار
دنیا کا سب سے مشہور براؤزر گوگل کروم ایک نئے اے آئی ٹول کے ساتھ تجربہ کر رہا ہے جو آن لائن فراڈیوں یعنی scams سے بچنے میں مدد فراہم کرے گا۔
یہ فیچر اس وقت ٹرائل کے مرحلے میں ہے۔ یہ ویب پیجز کا تجزیہ کرتا ہے اور یہ جانچتا ہے کہ آیا وہ مشکوک ہیں یا نہیں۔ یہ ٹول ڈیوائسز پر لارج لینگویج ماڈل (ایل ایل ایم) نامی اے آئی ٹیکنالوجی کا استعمال کرتا ہے۔
اس فیچر کی سب سے پہلے اطلاع ایک چینل Leopeva64 نے دی، جو باقاعدگی سے ویب براؤزر کی نئی خصوصیات کو اجاگر کرتا ہے جو ٹرائل میں ہیں۔
Leopeva64 نے براؤزر میں ایک فلیگ دریافت کیا ہے جسے ‘کلائنٹ سائیڈ ڈیٹیکشن برانڈ اینڈ انٹینٹ فار اسکیم ڈیٹیکشن’ کے نام سے فعال کیا جا سکتا ہے۔ یہ کروم کے تجرباتی براؤزر کینری کے تازہ ترین ورژن میں شامل ہے۔
یہ فلیگ کسی بھی ویب پیج کے مواد کی جانچ کرتا ہے اور یہ معلوم کرتا ہے کہ وہ کیا کرنے کی کوشش کر رہا ہے اور آیا یہ مواد ویب سائٹ کے مطلوبہ مقصد یا برانڈ کے مطابق ہے یا نہیں۔