نظام شمسی سے باہر ایک نوزائد سیارے کی دریافت

ماہرین فلکیات نے نظام شمسی سے باہر ایک نوزائد سیارے کو ایک نوجوان ستارے کے گرد چکر لگاتے دیکھا ہے اس سیارے کی تشکیل میں حیران کن طور پر 30 لاکھ سال کا عرصہ لگا ہے
سیاروں کے بننے اور ان کی تشکیل میں اتنی تھوڑی مدت کائناتی لحاظ سے بہت تیز ہے اور یہ ایک ایسی دریافت ہے جو سیاروں کی تشکیل کے حوالے سے موجودہ سائنسی سمجھ کو ایک نیا چیلنج پیش کرتی ہے
اس سیارے کا حجم زمین سے 10 سے 20 گنا تک زیادہ ہے اور یہ ہمارے نظام شمسی سے باہر موجود سیاروں میں سب سے کم عمر ہے نظام شمسی سے باہر موجود سیاروں کو ایکسو پلینٹ کہتے ہیں
یہ سیارہ بہت سی گیسوں اور دھول کا مجموعہ ہے جسے پروٹوپلانیٹری ڈسک کہا جاتا ہے انہی اجزا سے سیارے کی تشکیل کے لیے بنیاد فراہم ہوئی ہے
سیارہ جس ستارے کے گرد گھومتا ہے وہ ہمارے سورج سے کم گرم اور چھوٹا ہے ستارے کی کمیت سورج کے مقابلے میں تقریبا 70 فیصد تک ہے اور یہ آدھے سے زیادہ چمکدار بھی ہے یہ ہماری ملکی وے کہکشاں میں زمین سے تقریبا 520 نوری سال کے فاصلے پر واقع ہے
شعبہ طبیعیات اور فلکیات کے ایک گریجویٹ طالب علم میڈیسن بار بر کا کہنا ہے کہ اس دریافت سے اس بات کی تصدیق بھی ہوتی ہے کہ سیارے تین ملین سال کے اندر بھی ایک مربوط شکل میں آ سکتے ہیں جو کہ پہلے واضح نہیں تھا کیونکہ زمین کی تشکیل میں 10 سے 20 سال لگے ہیں