یوٹیوب نے 2024 کی پاکستان کی ٹاپ ٹرینڈنگ ویڈیوز کی فہرست جاری کردی ہے۔

یوٹیوب نے پاکستان میں 2024 کے دوران سب سے زیادہ مقبول ہونے والی ویڈیوز کی فہرست جاری کی ہے۔ یہ فہرست پاکستان بھر میں ناظرین کا دل جیتے والے لمحات کی عکاسی کرنے کے ساتھ ملک میں مختلف تفریحی اور معلومات کے بہترین استعمال کے طریقوں کی نشاندہی بھی کرتی ہیں۔

اس سال کی فہرست تین طرح کی کیٹگریز پر مشتمل ہے جن میں ٹاپ ٹرینڈنگ ویڈیوز، ٹاپ میوزک ویڈیوز اور ٹاپ کری ایٹرز بھی شامل ہیں۔

2024 میں یوٹیوب کے استعمال میں نمایاں اضافہ دیکھنے میں بھی آیا اور پاکستانی کری ایٹرز نے پہلے سے کہیں زیادہ کنٹنٹ بھی اپ لوڈ کیا ہے۔ گزشتہ سال مقامی کری ایٹرز کی طرف سے اپ لوڈ کیے جانے والے کنٹنٹ کے کل گھنٹوں میں 60 فیصد کا اضافہ ہوا ہے۔
رواں سال انٹرٹینمنٹ کا شعبہ سب سے آگے رہا ہے جس میں ڈرامے اور ایکشن سے بھرپور فلمیں ٹاپ ٹرینڈنگ ویڈیوز کی فہرست میں سب سے اوپر کی جانب گامزن ہیں۔

ٹاپ کری ایٹرزکی فہرست میں ایسے افراد ہیں جو اپنی تخلیقی صلاحیتوں، صداقت اور جدت طرازی سے لاکھوں افراد کو متاثر کرتے ہیں۔ رجب کی فیملی، انایا ایشال فیملی، ارشد ریلز اور ڈاکٹر امتیاز احمد جیسے چینلز یوٹیوب پر مختلف آوازوں کو بھرپور انداز میں پیش کرتے ہیں جو روزانہ فیملی بلاگنگ سے لے کر لائف اسٹائل، ہیلتھ کیئر اور تعلیمی مواد تک ہر چیز کا مکمل احاطہ کرتے ہیں ایسی زبردست ویڈیوز کی فہرست درج ذیل ہے

1. رجب کی فیملی
2. انایا ایشال فیملی
3. ارشد ریلز
4. یو آر کرسٹیانو
5. ڈکی بھائی
6. سسٹرولوجی
7. چھوٹا علی وی لاگ
8. ڈاکٹر امتیاز احمد
9. شیراز ولیج وی لاگ
   10.    فاطمہ فیصل