خیبر پختون خواہ حکومت کا پی ٹی آئی کارکنان کی اموات پر تین روزہ سوگ کا اعلان

پی ٹی آئی کارکنان کی اموات پر خیبرپختونخواہ حکومت نے 3 روزہ سوگ کا اعلان کیا ہے صوبائی اسمبلی کے اجلاس کے میں پی ٹی آئی رہنماوں نے کہا ہمارے کارکن شہید ہوئے، ہم پر سیدھا فائر کیا گیا, اسنائپر اور دیگر جدید اسلحہ بھی استعمال کیا گیا، ہمارے کارکنوں کی لاشیں چھپائیں گئیں۔ تفصیلات کے مطابق کہا جا رہا ہے کہ اسلام آباد میں پاکستان تحریک انصاف نے دوران احتجاج تشدد کے خلاف حکومت خیبرپختونخواہ نے 3 روزہ سوگ کا اعلان کردیا ہے
دوسری طرف خیبر پختونخواہ اسمبلی کے اسپیکر بابر سلیم سواتی کی طرف سے دعویٰ کیا گیا ہے کہ ہمارے کارکنان شہید ہوئے،اور ان کی لاشیں چھپائیں گئیں، ادارے بڑی ڈھٹائی کے ساتھ ا جھوٹ بول رہے ہیں۔
خیبرپختوبخواہ اسمبلی کے اجلاس سے خطاب کرتے ہوئے اسلم سواتی نے کہا کہ بحیثیت اسپیکر گرفتہ دل کے ساتھ کچھ باتیں شیئر کرنا چاہتا ہوں۔

انہوں نے کہا کہ تاریخ گواہ ہے جب بھی کسی نے آئین کی بالا دستی کے لیے آواز اُٹھائی، اسے بری طرح کچلا گیا، فلسطین کی مثال دوں گا یہی صورتحال اسلام آباد میں دیکھی گئی، کارکنان پر حملے کے لیے اسنائپر اور دیگر جدید اسلحہ بھی استعمال کیا گیا۔

اسپیکر خیبرپختونخواہ اسمبلی نے یہ بھی کہا کہ باریش نماز پڑھنے والے کارکن کو کنٹینروں سے پھینکا گیا، جو کارکنان شہید ہوئے، ان کی لاشیں بھی چھپائیں گئیں، ڈھٹائی کے ساتھ ادارے جھوٹ پہ جھوٹ بول رہے ہیں۔ بابر سلیم سواتی نے یہ بھی دعویٰ کیا کہ وزیر اعلی خیبر پختونخواہ علی امین گنڈاپور کو قتل کرنے کی بھی کوشش کی گی، جب وزیر اعلیٰ پر سیدھی فائرنگ کی گئی تو وہ وہاں سے چلے گئے۔
انہوں نے کہا کہ ایسے تجربات سے ہم پہلے بھی مشرقی پاکستان کھو چکے ہیں، آج مشرقی پاکستان کے تجربات مغربی پاکستان میں پھر دھرائے جارہے ہیں۔ ان کا کہنا تھا آئین ہمیں پر امن احتجاج کا حق دیتا ہے، بد قسمتی سے پاکستان میں روز اول سے اداروں اور مقتدر حلقوں نے جبرا یہ حق اپنی عوام سے چھین رکھا ہے اور اس ملک کی تاریخ گواہ ہے کہ جب بھی کسی بھی سیاسی قوت نے اس ملک کے اندر آئین کی سربلندی کے لیے آواز اٹھائی،یا وہ باہر نکلے تو ان کو بے دردی سے کچلا گیا۔
اجلاس کے دوران کُرم اور اسلام آباد میں احتجاج کے دوران جاں بحق افراد کے لیے دعا مغفرت بھی خکی گئی۔ اس دوران حکومت خیبرپختونخواہ نے اسلام آباد احتجاج سے متعلق 3 روزہ سوگ کا اعلان بھی کیا، وزیر قانون آفتاب عالم نے اعلان کیا کہ کل سے 3 روزہ سوگ ہوگا، ورکرز کو شدید تشدد کا نشانہ بنایا گیاہے، ان پر سیدھا فائر کیا گیاہے۔