news
کرم: مخالف گروہوں کے درمیان دس دن کے لیے سیز فائر،علی امین گنڈا پور
وزیراعلی خیبر پختون خواہ علی امین گنڈا پور کا کہنا ہے کہ کرم میں دو مخالف گروپوں کے درمیان دس دنوں کے لیے سیز فائر ہو چکا ہے
ضلع کرم کی صورتحال پر بریفنگ دیتے ہوئے علی امین گنڈا پور نے کہا کہ فریقین کے درمیان جنگ بندی کا معاہدہ خوش آئند ہے علاقے میں پائیدار امن اور تنازعات کے حل کے لیے مذاکرات کا راستہ اختیار کرنا ہی کامیابی کی ضمانت ہے انہوں نے مزید کہا کہ مخالف گروپوں میں 10 دنوں کے لیے سیز فائر ہونے کے ساتھ نقصانات کے ازالے کا تخمینہ بھی لگایا جا رہا ہے نقل و حمل کو محفوظ اور موثر بنانے کے لیے سکیورٹی پلان پر بھی کام جاری ہے
یاد رہے کہ کرم میں مسافر گاڑیوں کے قافلے پر حملے اور قبائل کی جھڑپوں کے باعث 102 افراد جانبحق اور 103 زخمی ہو گئے تھے